«Կարդում ենք Թումանյան» նախագծի շրջանակում 4-րդ և 5-րդ դասարանների սովորողների հետ անդրադարձանք Թումանյանի հեքիաթներին՝ դրանք բեմադրելու նպատակով: Սովորողները բաժանվեցին 3-4 հոգանոց խմբերի, ընտրեցին հեքիաթը, դերերը բաժանեցին և սկսեցին պատրաստվել: Ընդամենը երկու օր հետո պատրաստ էին թումանյանական հինգ հեքիաթ, որոնք բեմադրվեցին կրտսեր դասարանների սովորողների համար: Հետո բեմադրվեցին նաև Մայր դպրոցի փոքր դահլիճում:
Այս աշխատանքը թիմով աշխատելու հերթական լավ հնարավորությունն էր, նպաստեց նրան, որ սովորողները ինքնաարտահայտվեն, ի ցույց դնեն իրենց դերասանական, բեմական շնորհները և այդ կերպ ավելի ինքնավստահ դառնան, զարգանա բանավոր խոսքը:
Գոհար Բալջյան 